Direktorun müraciəti
Əziz tələbələr! Təhsil bütün dövrlərdə və cəmiyyətlərdə əhəmiyyətli bir sahə olmuşdur. Təhsil almaq, peşə seçmək Sizin hər birinizin, hər bir gəncin ümdə arzularından biridir və bu gün bu əvvəl olduğundan daha vacibdir. Siz hər biriniz müstəqil peşə seçimi etmisiniz və istədiyiniz bir ixtisasa daxil olmusunuz. İndi sizin əsas vəzifəniz seçdiyiniz ixtisas üzrə dərin biliklərə yiyələnmək, cəmiyyətimiz üçün dəyərli mütəxəssis olmaqdır. Bunun üçün kollecdə bütün imkanlar vardır. Ulu öndər Heydər Əliyev Cəmiyyət təhsilsiz inkişaf edə bilməz. Yüksək savada, biliyə, ixtisasa elmə malik insanlar olmasa, iqtisadiyyatımız belə güclü inkişaf edə bilməz demişdir. Sizə yüksək təhsil uğurları arzulayıram və sizi öz peşəmiz, biliyimiz vətənpərliyimiz ilə Müstəqil Azərbaycan Respublikasının layiqli övladları olmağa səsləyirəm.
Fatimə Quliyeva
Direktor