Bakı  Biznes  və  Kooperasiya  kollecinə tələbə qəbulu

1939 – cu ildən Bakı Kooperativ Texnikumu kimi fəaliyyətə başlayan bu tədris müəssisəsi 30 avqust 2000-ci il tarixə kimi həmin adda fəaliyyət göstərmiş və ümummilli Lider Heydər Əliyevin 30 avqust 2000-ci il tarixli fərmanının 7-ci bəndinin icrası ilə əlaqədar olaraq 2001-ci ildə daha geniş profilli orta ixtisas təhsilli kadrlar hazırlayan təhsil müəssisəsi kimi Bakı Biznes və Kooperasiya Kollecinə çevrilmiş, bu günə kimi həmin adla fəaliyyət göstərir.

       Azərbaycan bölmələrinə imtahan verən abituriyentlər 45 suala doğru cavab verərlərsə, 300 bal toplamış olarlar. Bir doğru cavab 6,666 bal ilə hesablanır. Abituriyent əgər dörd səhv edərsə, bir doğru cavab silinmiş olur. 11 illik təhsil bazasından imtahana düşən fənlərdən ayrı-ayrılıqda “sıfır” balı yoxdur.

      Sənəd qəbulu 11-illik təhsil bazasından ali təhsil müəssisələrinə qəbulla eyni aparılır. (http://tqdk.gov.az/az/exames/11year/)

Kollecə tələbə qəbulu 12 ixtisas üzrə ümumi orta (9 illik) və tam orta (11 illik) təhsil bazasından TQDK (Tələbə Qəbulu Dövlət Komissiyası) tərəfindən mərkəzləşmiş qaydada test üsulu ilə aparılır.

       Qəbul 11 illik təhsil bazasından azərbaycan bölmələri üzrə I, II, III , IV qruplar üzrə aparılan imtahanların nəticələrinə əsasən I turda məktəblərə qəbul ola bilməyən abituriyentlər II turda kollecə müsabiqə əsasında daxil ola bilrlər.
      Sənəd qəbulu 9 illik təhsil bazasından TQDK tərəfindən internet vasitəsi ilə aparılır.(http://tqdk.gov.az/az/exames/9year/)
      İmtahanlar TQDK tərəfindən test üzrə keçirilir.
9 illik təhsil bazasından Azərbaycan bölmələri üzrə imtahanlar 45 sualdan ibarət test ilə aparılır.
1. Azərbaycan dili – 15 sual
2. Riyaziyyat – 15 sual
3. Azərbaycan tarixi – 15 sual
      Bakı Biznes və Kooperasiya Kollecində bütün ixtisaslar ödənişlidir. İllik ödəniş haqqı əyani şöbədə 950 AZN(manat) , qiyabi şöbədə 900 AZN(manat) -dır.
      Bu qaydalarla tanış olmaq üçün TQDK-nın internet saytlarına daxil olub və ya abituriyent jurnallarından istifadə etmək olar.